حیدرآباد میں تلنگانہ رکشنا سینا کے دفتر میں جشنِ میلاد النبی ﷺ کے موقع پر محفلِ نعت

حیدرآباد میں جشنِ میلاد النبی ﷺ کے موقع پر تلنگانہ رکشنا سینا کے صدر دفتر، بنجارہ ہلز میں محفلِ نعت ﷺ کا انعقاد عمل میں آیا۔ تقریب کا آغاز تلاوتِ کلامِ پاک سے ہوا، جبکہ کمسن نعت خوانوں نے بارگاہِ رسالت ﷺ میں عقیدت کے نذرانے پیش کیے۔ مہمانِ خصوصی مفتی محمد خان بیابانی



نے سیرتِ طیبہ ﷺ کے مختلف پہلوؤں پر روشنی ڈالتے ہوئے محبت، اخوت، ہمدردی اور امن کو فروغ دینے کی تلقین کی۔اس موقع پر پارٹی کے اقلیتی قائدین اور دیگر معزز مہمانوں نے بھی خطاب کیا۔ تقریب کے اختتام پر کمسن نعت خوانوں اور قائدین کی گلپوشی و شال پوشی کی گئی اور مومنٹوز پیش کیے گئے۔