میڈیا لوگوں کو بیدار اور متحرک کرے:مودی

نئی دہلی 24 مارچ (یواین آئی) وزیر اعظم نریندر مودی نے کورونا وائرس کے خلاف لڑائی میں میڈیا کے کردار کی تعریف کرتے ہوئے کہا کہ اسے لوگوں کو آگاہ کرنے اور ان میں جدوجہد کے جذبے کو بیدار کرنے کے لئے کام کرتے رہنا چاہئے مہاماری کی شکل لے چکے کورونا وائرس کے مقابلے کےلئے مختلف فریقوں سے بات کررہے مسٹرمودی نے پیر کو الیکٹرانک میڈیا کے سربراہان سے بات کرنے کے بعد منگل کو پرنٹ میڈیا اداروں کے سربراہوں کے ساتھ ویڈیو کانفرنس کے ذریعہ غور و خوض کیا۔بات چیت میں ملک بھر کے 20 سے بھی زیادہ اور فریقوں نے حصہ لیا۔قومی اور علاقائی میڈیا کی 11 زبانوں کے ان صحافیوں نے14 الگ الگ مقامات سے اپنےخیالات رکھے۔

مسٹرمودی نے کہا کہ میڈیا نے ملک کے کونے کونے میں معلومات پھیلانے میں اہم



کردار ادا کیا ہے۔میڈیا کی پہنچ دور دراز کے دیہی علاقوں تک ہونے کے پیش نظر کورونا کے چیلنج سے نمٹنے میں اس کا کردار اہم ہے۔انہوں نے کہا کہ اخبارات کی اپنی اہمیت ہے اور ان کے علاقائی قارئین کی تعداد بہت زیادہ ہے۔اس لئے اخبارات کو ان صفحوں پر کورونا کے سلسلے میں خصوصی مضمون شائع کرکے لوگوں کو بیدار کرنا چاہئے۔لوگوں کو جانچ مراکز،کسے جانچ کرانی چاہئے،اس کےلئے کہاں رابطہ کرنا چاہئے اور گھروں میں رہنے کی ہدایات کی تفصیل سے اطلاع دی جانی بےحد ضروری ہے۔ان صفحوں پر یہ اطلاع بھی دی جائے کہ مکل طورپر بند کے دوران ضرورت کا سامان کہاں مہیا ہوگا۔

انہوں نے میڈیا سے کہا کہ اسے حکومت اور لوگوں کے درمیان لنک کی طرح کام کرتے ہوئے قومی اور علاقائی سطح پر مسلسل فیڈ بیک دیتے رہنا چاہئے۔