ریلوے اسٹیشن میں بم کی اطلاع سے خوف و ہراس: لندن

لندن/22جون(ایجنسی) لندن کے Charing Cross چیرنگ کراس ریلوے اسٹیشن میں بم کی موجودگی کی اطلاع سے بھگڈر مچ گئی۔ افراتفری پر قابو پانے کے لیے انتظامیہ نے تمام مسافروں کو اسٹیشن سے محفوظ مقام پر منتقل کر دیا جب کہ اس دوران سیکیورٹی



اہلکاروں نے ایک مشتبہ شخص کو حراست میں لے لیا ۔

پولیس حکام کا کہنا ہے کہ ایک شخص نے چیرنگ کراس اسٹیشن پر بم رکھنے کا دعوی کرتے ہوئے اسٹیشن کو دھماکے سے اُڑانے کی دھمکی دی جس کے باعث مسافروں میں خوف و ہراس پھیل گیا تاہم سیکیورٹی اہلکاروں نے بروقت کارروائی کرتے ہوئے بم رکھنے کا دعوی کرنے والے شخص کو گرفتار کرلیا۔