the etemaad urdu daily news
آیت شریف حدیث شریف وقت نماز

ای پیپر

To Advertise Here
Please Contact
editor@etemaaddaily.com

حیدرآباد23مارچ (ایجنسی)آندھراپردیش کے وزیراعلی و تلگودیشم کے قومی صدر این چندرابابونائیڈو نے کہا ہے کہ وائی ایس آرکانگریس پارٹی کے صدر وائی ایس جگن موہن ریڈی نے 11اپریل کو ہونے والے عام انتخابات کے لئے داخل کردہ حلف نامہ میں اعتراف کیا ہے کہ وہ 31فوجداری معاملات میں ملوث ہیں۔چندرابابونے آج بذریعہ ٹیلی کانفرنس پارٹی کے لیڈروں سے خطاب کرتے ہوئے کہا کہ ملک کی کوئی بھی سیاسی جماعت کا لیڈر اتنے زائد فوجداری معاملات میں ملوث نہیں ہے۔
انہوں نے لوگوں سے سوال کیا کہ آیا وہ ایسے لیڈر کو ووٹ دیں گے جو 31معاملات میں ملوث ہے؟نائیڈو نے الزام لگایا کہ تلنگانہ کے وزیراعلی کے چندرشیکھرراو ، جگن موہن ریڈی کے ذریعہ اے پی میں حکومت چلانے کی کوشش کر رہے ہیں۔انہوں نے کہاکہ چندرشیکھرراو کی نظر اے پی کے اثاثہ جات پر ہے اسی لئے وہ وائی ایس آرکانگریس پارٹی کے صدر کے ذریعہ ریاست میں اقتدار پر قابض ہونے کی کوششیں کررہے ہیں۔وزیراعلی نے کہاکہ ریاست کے عوام کو خوف ہے کہ جگن اس ریاست کو چندرشیکھرراو کے حوالے کردیں گے۔

انہوں نے الزام لگایا کہ تلنگانہ کے وزیراعلی نے اپنے غلط کاموں سے حیدرآباد کے برینڈ امیج کو برباد کردیا ہے۔انہوں نے کہاکہ اے پی کے عوام عام انتخابات میں جگن موہن ریڈی اور چندرشیکھرراو کو سبق سکھانے کیلئے تیار ہیں۔
انہوں نے مزید کہا کہ اگر مودی اور چندرشیکھرراو ، جگن موہن ریڈی کے ذریعہ اے پی میں حکومت چلانے کی کوشش کریں گے تو عوام برداشت نہیں کریں گے۔کانگریس پارٹی نے غیرمعقول طریقہ سے متحدہ آندھراپردیش کو تقسیم کرتے ہوئے عوام کے غیض وغضب کا سامنا کیا اور اب وائی ایس آرکانگریس مودی اور راو سے ہاتھ ملاتے ہوئے عوام کے اسی غیض وغضب کا سامنا کرے گی۔انہوں نے الزام لگایا کہ مقتول لیڈر و سابق وزیروویکانند ریڈی کی دختر نے ان کے والد کے قتل کے معاملہ پر سیاست نہ کرنے کی خواہش کی ہے کیونکہ جگن موہن ریڈی ان پر دباو ڈال رہے ہیں کہ ان کی حمایت کی جائے۔انہوں نے کہا کہ عوام سے مل رہی شاندار حمایت اس بات کا اشارہ ہے کہ انتخابات میں اس کی شاندار کامیابی ہوگی۔

اس پوسٹ کے لئے کوئی تبصرہ نہیں ہے.
تبصرہ کیجئے
نام:
ای میل:
تبصرہ:
بتایا گیا کوڈ داخل کرے:


Can't read the image? click here to refresh
To Advertise Here
Please Contact
editor@etemaaddaily.com

اوپینین پول

کون بنے گا آئی سی سی ورلڈ کپ 2019 چیمپئن

انڈیا
آسٹریلیا
انگلینڈ
To Advertise Here
Please Contact
editor@etemaaddaily.com

موسم کا حال

حیدرآباد

etemaad rishtey - a muslim matrimony
© 2019 Etemaad Urdu Daily, All Rights Reserved.