زبان کا تنوع ہمارا ثقافتی ورثہ: نائیڈو

نئی دہلی، 14 ستمبر (یو این آئی) نائب صدر جمہوریہ ایم وینکیا نائیڈو نے ملک میں زبان کے تنوع پر فخر کرنے کی اپیل کرتے ہوئے کہا کہ زبانیں ہمارا تہذیبی ورثہ ہیں اور ان کی مستحکم ادبی تاریخ رہی ہے مسٹر نائیڈو نے پیر کے روز اپنی رہائش گاہ سے ’مدھوبن ایجوکیشنل بُکس‘ کی تقریب سے خطاب کرتے ہوئے کہا کہ آج ہی کے دن 1949 میں ہماری دستور ساز اسمبلی نے ہندی کو سرکاری زبان کے طور پر قبول کیا۔

اس تناظر میں نائب صدر نے 1946 میں



’ہریجن‘ میں گاندھی جی کی تحریر کا ذکر کرتے ہوئے کہا کہ علاقائی زبانوں کی بنیاد پر ہی قومی زبان کی شاندارعمارت کھڑی ہوگی۔ قومی زبان اور علاقائی زبانیں ایک دوسرے کو مکمل بناتی ہیں‘ باہم متضاد نہیں۔

مسٹر نائیڈو نے کہا کہ گاندھی جی اور ڈاکٹر راجیندر پرساد کا راستہ ہماری زبانوں کے اتحاد کو مستحکم کر سکتا ہے۔ انہوں نے کہا کہ ہماری ہر زبان قابل تعریف ہے۔ کوئی بھی زبان ہماری روایتوں کی طرح پاکیزہ اور ہمارے عقائد کی طرح پاک ہوتی ہے۔