کے ٹی آر کا بڑا اعلان: 2027 میں پدیاترا، بی آر ایس آئندہ انتخابات میں اکیلے مقابلے کرےگی

ذرائع:

بی آر ایس کے کارگزار صدر تارک راما راو نے اعلان کیا ہے کہ وہ 2027 میں عوامی مسائل پر پدیاترا کریں گے اور آئندہ انتخابات میں کسی بھی پارٹی سے اتحاد نہیں کیا جائے گا۔انہوں نے کہا کہ پارٹی ماضی کی طرح آئندہ بھی تنہا مقابلہ کرے گی، تاہم سابقہ دورِ حکومت میں کچھ غلطیوں کا اعتراف کرتے ہوئے بتایا کہ کارکنوں



اور مقامی قیادت کو ساتھ لے کر چلنے میں کمی رہی، صحافیوں کے مسائل مکمل حل نہیں ہو سکے اور گلف پالیسی بھی نہیں بنائی جا سکی۔انہوں نے مزید کہا کہ بعض امور کو سنجیدگی سے نہ لینے کے باعث نشستوں کا نقصان ہوا، تاہم آئندہ تنظیم کو مضبوط بنانے کے لیے مئی-جون میں رکنیت مہم اور کارکنوں کی تربیت شروع کی جائے گی۔ ڈیلمیٹیشن کے بعد نشستوں میں اضافہ پارٹی کے لیے نئے مواقع پیدا کرے گا۔