کووند اور مودی نے دیوالی پر ملک کے عوام کو مبارکباد دی

نئی دہلی،14 نومبر(یواین آئی) صدرجمہوریہ رام ناتھ کووند نے چراغوں کے تہوار ’دیوالی‘ کے موقع پر ملک کے عوام کو مبارکباد دی ہے۔

مسٹر کووند نے ہفتے کو ٹویٹ کے ذریعہ دئے گئے مبارکبادی پیغام ،’’دیوالی کے موقع پر میں سبھی عوام اور غیر ملک میں بسے سبھی ہندوستانیوں کو مبارکباد اور نیک خواہشات دیتا ہوں۔ میری دعا ہے کہ خوشیوں اور روشنی کا یہ تہوار ،ملک کے ہر گھر میں سکھ ،سکون اور خوشحالی لائے۔‘‘

انہوں نے کہا،’’یہ تہوار ہمیں انسانیت کی خدمت کی سمت بڑھنے کےلئے تحریک دیتی ہے۔ آئیے عزم کریں کہ جس طرح ایک جلتا ہوا چراغ متعداد چراغوں کو روشن کرتا ہے،اسی طرح سے ہم



سماج کے محروم ،بے سہارا اور ضرورت مند لوگوں کی زندگی میں خوشیاں بانٹتے ہوئے امید اور خوشحالی کے چراغ جلائیں۔‘‘

انہوں نے کہا،’’دیوالی صاف صفائی کا بھی تہوار ہے ،اس لئے ہم آلودگی سے پاک،ماحول کے مطابق اور صاف ستھری دیوالی مناکر قدرت کا بھی احترام کریں۔‘‘

وزیراعظم نریندر مودی نے ہفتے کو سبھی ملک کے عوام کو دیوالی کی مبارکباد دیتے ہوئے کہا کہ سب خوشحال اور صحت مند رہیں۔

مسٹر مودی نے اندھیرے پر روشنی کی جیت کے تہوار کی مبارکباد دیتے ہوئے ٹویٹ کیا،’’سبھی ملک کے عوام کو دیوالی کی مبارکباد۔یہ تہوار سبھی کو اور زیادہ روشن اور خوشحالی دے۔ سبھی لوگ خوشحال اور ٹھیک رہیں۔