مسلمان خواتین کا اغوا کرکے سرعام ریپ کرنے کی دھمکی۔ سوامی کی اشتعال انگیزی کا ویڈیو دیکھیں

نئی دہلی: اترپردیش میں ایک سوامی نے مسلم خواتین کو کھلے عام دھمکی دی ہے۔سیتا پورضلع کی ایک مسجد کے سامنے اس نے یہ اشتعال انگیزی کی۔ خیرآباد شہرمیں ایک جیپ میں پہنچنے والے سوامی نے جو گیروے رنگ کے لباس میں مبلوس تھا مائیک کے ذریعہ تقریرکرتے ہوئے کہا کہ اگرکوئی مسلمان مقامی خواتین کو ہراساں کرتا ہے تو وہ



مسلم خواتین کو اغوا کرکے سرعام ان کا ریپ کرے گا۔ سوامی جی کی اس بیہودہ تقریرپروہاں موجود نوجوان جئے شری رام کے نعرے لگارہے تھے۔ اس سوامی کی شناخت بھجرنگ منی کے طورپرکی گئی ہے۔ سوامی کی اس وارننگ بھری تقریر کا ویڈیوٹویٹرپرپوسٹ کیا گیا ہے۔ حالانکہ یہ بات 2 اپریل کی ہے جس پرابھی تک کوئی کاروائی نہیں کی گئی۔