مجلس کی نو منتخب کونسلر عالیہ بیگم لاپتہ، پولیس میں شکایت

تلنگانہ 16 فروری 2026 (اعتماد نیوز) تلنگانہ کے کاغذ نگر بلدیہ کے وارڈ نمبر 3 سے کامیاب ہونے والی مجلس امیدوار عالیہ بیگم کے گزشتہ تین دنوں سے لاپتہ ہونے پر مجلس اتحاد المسلمین نے پولیس میں شکایت درج کرا دی ہے۔ کاغذنگر مجلس کے صدر نے پولیس اسٹیشن میں تحریری شکایت درج کرائی ہے صدر مجلس بیرسٹر اویسی کی ہدایت پر مجلس, کے رکن اسمبلی



میر ذوالفقار علی نے بھی  کاغذ نگر پینچ کر پولیس اسٹیشن میں شکایت درج کرائی ۔انھوں نے اس معاملے میں بی آر ایس کے بعض قایدین پر شبہ ظاہر کرتے ہوئے فوری تحقیقات کا مطالبہ کیا ہے۔ادھر کاغذ نگر پولیس کا کہنا ہے کہ گمشدگی کا مقدمہ درج کر لیا گیا ہے اور تمام پہلوؤں سے تحقیقات کی جا رہی ہیں، جبکہ عالیہ بیگم کی تلاش کے لیے کوششیں تیز کر دی گئی ہیں۔