کنگنا رناوت کا بیان: بی جے پی اور آر ایس ایس کے نظریات سے متاثر ہو کر اب خود کو "بیدار ہندو" مانتی ہوں

بی جے پی رکن پارلیمنٹ اور اداکارہ کنگنا رناوت نے اپنے ایکس اکاؤنٹ پر جاری ایک ویڈیو میں کہا کہ وہ اب خود کو "بیدار ہندو" مانتی ہیں اور ان کی سوچ میں تبدیلی آچکی ہے۔انہوں نے کہا کہ وہ پہلے غیر جانبدار ہندو تھیں، لیکن اب بی جے پی اور آر ایس ایس کے نظریات سے متاثر ہیں۔ کنگنا نے دعویٰ کیا کہ بعض ہندو خواتین اسلام



پسندوں کے رابطے میں آکر بائیں بازو کی سوچ اختیار کر لیتی ہیں، تاہم ہر شخص کو آئین کے تحت اپنی پسند کا مذہب اور نظریہ اپنانے کا حق حاصل ہے۔کنگنا نے کہا کہ جیسے دوسروں کو اپنے نظریات بدلنے کی آزادی ہے، ویسے ہی انہیں بھی اپنی مذہبی و نظریاتی شناخت اختیار کرنے کا حق ہے، اور ہندو خواتین سے اپیل کی کہ وہ اپنی نظریاتی بیداری کو مضبوط بنائیں۔