ذرائع:
تلنگانہ جاگروتی کی صدر کے کویتا نے واضح کیا کہ ان کا مقصد سماجی انصاف پر مبنی تلنگانہ کی تشکیل ہے اور جاگروتی 2029 کے انتخابات میں باقاعدہ حصہ لے گی۔ سوشل میڈیا پلیٹ فارم X پر منعقدہ ’’آسک کویتا‘‘ پروگرام میں انہوں نے نوجوانوں اور خواتین کو سیاست میں آگے لانے، بہتر تعلیم و علاج، اور
روزگار کو اپنی ترجیحات قرار دیا۔کویتا نے کانگریس حکومت کو سخت تنقید کا نشانہ بناتے ہوئے کہا کہ فیس ری ایمبرسمنٹ، کسانوں کی خودکشیوں، سنگارینی ادارہ اور حیدرآباد کی بنیادی سہولتوں کے معاملات میں حکومت ناکام ہوچکی ہے۔ انہوں نے متاثرہ کسانوں اور سنگارینی کے تحفظ کیلئے جدوجہد کا اعلان بھی کیا۔یہ پروگرام تقریباً ڈیڑھ گھنٹے جاری رہا اور X پر ٹاپ ٹرینڈ بن گیا۔