آئی پی ایس افسر مہیب اللہ انصاری کا باوقار ’ایشیا ہیرو ایوارڈ‘ کے لیے انتخاب

پری بورڈ امتحانات میں ناکامی سے آئی پی ایس افسر بننے تک کا سفر؛ مہیب اللہ انصاری ’’ایشیا ہیرو‘‘ ایوارڈ کے لیے منتخب۔  بہار کیڈر کے 2021 بیچ کے آئی پی ایس افسر مہیب اللہ انصاری کو امریکہ کے ’’ایشیا ہیرو ایوارڈ‘‘ کے لیے منتخب کیا گیا ہے۔ وہ 13 دسمبر کو یہ اعزاز حاصل کریں گے۔ اس وقت وہ مظفرپور کے ایس پی ہیں۔ عوامی خدمت، سماجی بہبود اور



امن و قانون کی برقراری میں خدمات کے اعتراف میں انہیں یہ اعزاز دیا جا رہا ہے۔ مہیب نے دسویں اور بارہویں جماعت کے پری بورڈ امتحانات میں ناکامی کے باوجود ہمت نہیں ہاری۔ محنت کے بعد آئی آئی ٹی دہلی میں داخلہ حاصل کیا اور بی ٹیک مکمل کیا۔ کچھ عرصہ آئی ٹی کمپنی میں کام کرنے کے بعد سول سروسز کی تیاری کی اور آل انڈیا سطح پر 389 واں رینک حاصل کرکے آئی پی ایس بن گئے۔