ہند امریکہ تعلقات مزید مستحکم ہوں گے، جو بائیڈن اور کملا حارث کو کووند کی مبارکباد

نئی دہلی 09 نومبر [یو این آئی] صدر رام ناتھ کووند نے نو منتخب امریکی صدرجوزف بائیڈن اور ان کی نائب کملا حارث کو صدارتی انتخابات میں کامیابی پر مبارکباد پیش کی ہے اور کہا ہے کہ انہیں یقین ہے کہ آنے والے برسوں میں ہند امریکہ تعلقات مزید مستحکم ہوں گے "جوزف آر بائیڈن کے ریاستہائے متحدہ



امریکہ کے صدر منتخب ہونے پر اور کملا حارث کو نائب صدر چنے جانے پر میری طرف سے مخلصانہ مبارکباد‘‘ راشٹرپتی بھون کے پیغام میں کہا گیا ہے کہ ’’میں جوزف بائیڈن کے کامیاب دور کی خواہش کرتا ہوں اور ہندستان اور امریکہ کے تعلقات کو مزید مستحکم کرنے کے لئے ان کے ساتھ مل کر کام کرنے کا منتظر ہوں‘‘۔