the etemaad urdu daily news
آیت شریف حدیث شریف وقت نماز

ای پیپر

To Advertise Here
Please Contact
editor@etemaaddaily.com

اوپینین پول

کیا ہندوستان میں خواتین کی حفاظت اب بھی دور کا خواب ہے؟

ہاں
نہیں
کہہ نہیں سکتے
نئی دہلی، 28 اکتوبر (یو این آئی) مشرقی لداخ میں چین کے ساتھ جاری تنازع کے درمیان ایئر فورس کو فرانس سے مزید تین رافیل لڑاکا طیارے ملنے والے ہیں، جس سے اس کے پاس مجموعی طور پر آٹھ رافیل طیارے ہوجائیں گے -
ذرائع کے مطابق، فضائیہ کو 5 نومبر کو فرانس سے مزید تین رافیل لڑاکا طیارے ملنے جارہے ہیں، جس سے فضائیہ کے بیڑے میں رافیل طیاروں کی تعداد آٹھ ہوجائے گی کیونکہ اسے پہلے ہی پانچ طیارے مل چکے ہیں۔ ان طیاروں کو انبالہ ایئر فورس اسٹیشن میں منعقدہ ایک تقریب میں وزیر دفاع راجناتھ سنگھ اور ان کے فرانسیسی ہم منصب کی موجودگی میں ایئر فورس کے بیڑے میں شامل کیا گیا تھا-
ہندوستان نے سن 2016 میں فرانس کے ساتھ تقریبا 59000 کروڑ روپئے کے 36 رافیل طیاروں کے معاہدے پر دستخط کیے تھے۔
فضائیہ کو رواں ماہ میں چار سے پانچ رافیل طیارے فراہم کرنا تھے لیکن کچھ تکنیکی وجوہات کی وجہ سے اس کی فراہمی نہیں ہوسکی اور اب بتایا گیا ہے کہ 5 نومبر کو تین طیارے ایئر فورس کے حوالے کردیئے جائیں گے۔
رافیل کے فضائیہ کے جنگی طیاروں کے بیڑے میں شامل ہونے سے فضائیہ کی طاقت اور جنگ کی طاقت دونوں میں اضافہ ہوا ہے۔ فضائیہ کو ایک طویل عرصے سے لڑاکا طیاروں کی قلت کا سامنا ہے اور اس کے اسکواڈرن کی تعداد میں کافی حد تک کمی واقع ہوئی ہے۔ رافیل طیاروں کی آمد کے بعد ، یہ دعوی کیا جارہا ہے کہ فضائیہ کسی بھی صورتحال سے بیک وقت دو محاذوں سے نمٹ سکتی ہے۔

اس پوسٹ کے لئے کوئی تبصرہ نہیں ہے.
تبصرہ کیجئے
نام:
ای میل:
تبصرہ:
بتایا گیا کوڈ داخل کرے:


Can't read the image? click here to refresh
http://st-josephs.in/
https://www.darussalambank.com

موسم کا حال

حیدرآباد

etemaad rishtey - a muslim matrimony
© 2020 Etemaad Urdu Daily, All Rights Reserved.