بھارت میں سیاسی ہلچل: اپوزیشن کی جانب سے چیف الیکشن کمشنر گیانیش کمار کے خلاف مواخذے کی قرارداد پیش

ذرائع:

بھارت کی سیاست میں ایک بڑی پیش رفت سامنے آئی ہے۔ اپوزیشن جماعتوں نے چیف الیکشن کمشنر گیانیش کمار کو عہدے سے ہٹانے کیلئے پارلیمنٹ میں مواخذے کی قرارداد پیش کی ہے۔ اس سلسلے میں تقریباً 190 ارکانِ پارلیمنٹ کے دستخطوں پر مشتمل نوٹس لوک سبھا اور راجیہ سبھا میں جمع کرایا گیا۔ اپوزیشن نے الزام لگایا ہے کہ گیانیش کمار حکمران بی جے پی کے حق میں جانبدارانہ فیصلے کر



رہے ہیں اور خاص طور پر مغربی بنگال میں "اسپیشل انٹینسو ریویژن" کے نام پر اصل ووٹروں کے نام فہرست سے حذف کئے گئے۔ آئین کے مطابق اگر اسپیکر نوٹس منظور کرتے ہیں تو تین رکنی کمیٹی الزامات کی جانچ کرے گی، اور الزامات ثابت ہونے پر دونوں ایوانوں میں دو تہائی اکثریت سے قرارداد منظور ہونے پر انہیں عہدے سے ہٹایا جا سکتا ہے۔ دوسری جانب بی جے پی نے اس اقدام کو سیاسی قرار دیتے ہوئے اپوزیشن پر آئینی اداروں کو بدنام کرنے کا الزام لگایا ہے۔