میچانگ طوفان کااثر، 142 ٹرینین منسوخ

حیدرآباد: خلیج بنگال میں بننے والا سمندری طوفان میچانگ شدت اختیار کر رہا ہے۔ محکمہ موسمیات نے اعلان کیا ہے کہ یہ طوفان ساحل کی طرف بڑھ رہا ہے۔ 14 کلومیٹر فی گھنٹہ کی رفتار سے آگے بڑھنےوالے اس طوفان کا مرکز مغربی وسطی خلیج بنگال سے ملحقہ جنوب مغربی خلیج بنگال میں ہے۔ آئی ایم ڈی نے بتایا کہ امکان ہے کہ یہ طوفان آج نیلور اور مچلی پٹنم کے درمیان ساحل کو عبور کرے گا۔ حکام نے بتایا کہ طوفان کے ساحل کو عبور کرنے کے دوران 110-90 کلومیٹر فی گھنٹہ کی رفتار سے تیز ہوائیں چلیں گی۔ حکام نے ساحلی علاقوں کے عوام اور ماہی گیروں کو



خبردار کیا کہ وہ محتاط رہیں۔ محکمہ موسمیات نے اعلان کیا ہے کہ آئندہ دو دنوں کے دوران ساحل اور رائلسیما میں شدید بارشیں ہوگی۔ جس کے پیش نظر ان علاقوں میں ریڈ الرٹ جاری کر دیا گیا ہے۔

طوفان میچانگ کی وجہ سے ٹرینوں کی آمد ورفت بھی متاثرہوئی ہے۔ اس طوفان کے پیش نظرساوتھ سینٹرل ریلوے ڈویژن کو الرٹ کر دیا گیا ہے۔ اس پس منظر میں ہفتہ کو ایک بیان میں تقریباً 142 ٹرینوں کو منسوخ کر دیا گیا ہے۔ سی پی آر او سی ایچ راکیش نے کہا کہ ٹرین خدمات اس مہینے کی 3 تا 6 تاریخ تک منسوخ کردی گئی ہیں۔ تفصیلات کے مطابق جنوب مشرقی خلیج بنگال میں بننے والا انتہائی کم دباؤ جمعہ کو آندھی میں تبدیل ہوگیا۔