اگر کسی دن پٹرول اور ڈیزل کی قیمتوں میں اضافہ نہیں ہوتا ہے تو یہ خبر بن جاتی ہے: راہل

نئی دہلی ، 18 جون (یو این آئی) کانگریس کے سابق صدر راہل گاندھی اور پارٹی کی جنرل سکریٹری پرینکا گاندھی وڈرا نے جمعہ کو پٹرول اور ڈیزل کی بڑھتی ہوئی قیمتوں پر حکومت پر طنز کرتے ہوئے کہا کہ صورتحال ایسی ہوچکی ہے جس دن ایندھن کی قیمتیں نہیں بڑھتی ہیں، وہ ایک خصوصی دن ہوتا ہے اور اس پر خبربنتی ہے مسٹر گاندھی نے ٹویٹ کیا کہ "مودی حکومت کی ترقی یہ ہے کہ اگر کسی دن پٹرول اور ڈیزل کی قیمتوں میں اضافہ نہیں ہوتا ہے تو یہ اور بھی بڑی خبر بن جاتی ہے۔"

محترمہ وڈرا نے کہاکہ "کورونا بحران کے دوران عوام نے امید کی تھی کہ حکومت انہیں ریلیف دے گی ، لیکن حکومت ان کے لئے ایک" تکلیف دہ اسکیم "لے کر آئی ہے۔ سال 2021 میں اب تک پٹرول اور ڈیزل کی قیمتوں میں 52 گنا اضافہ ہوا ہے۔ سرسوں کا تیل ، ریفائنڈ ،، ارہر، مونگ دال اور چینی کی قیمتوں میں آگ لگی ہوئی ہے۔ لوگ پیٹ کاٹ رہے ہیں ، مودی سرکار جیب کاٹ رہی ہے۔ "