تلنگانہ میں آئی اے ایس افسران کے بڑے پیمانے پر تبادلے، حیدرآباد سمیت کئی اضلاع میں نئی تقرریاں

ذرائع:

تلنگانہ میں ایک بار پھر بڑے پیمانے پر آئی اے ایس عہدیداروں کے تبادلے کیے گئے ہیں۔سرکاری احکامات کے مطابق حیدرآباد کلکٹر ہری چندنا کو لیبر ڈپارٹمنٹ کا خصوصی سیکریٹری مقرر کیا گیا ہے، جبکہ ان کی جگہ پرینکا کو  حیدرآباد کلکٹر بنایا گیا ہے۔ دیگر اہم تقرریوں میں آر اینڈ بی میں پروینیا، انڈسٹریز میں کرشنا آدتیہ، آئی اینڈ پی آر میں جی مکُند ریڈی اور



انٹرمیڈیٹ بورڈ کے ڈائریکٹر کے طور پر ابھیلاش ابھی نو شامل ہیں۔ اسی طرح آیوشمان بھارت اسکیم کے سی ای او کے طور پر بھی نئی تقرری کی گئی ہے۔جی ایچ ایم سی میں بھی بڑے پیمانے پر تبدیلیاں کی گئی ہیں، جہاں مختلف زونل کمشنرز کو تبدیل کیا گیا ہے۔ رنگا ریڈی، کھمم، نرمل اور دیگر اضلاع کے کلکٹرز کی بھی نئی تعیناتیاں کی گئی ہیں۔ حکومت نے مختلف اضلاع اور محکموں میں انتظامی کارکردگی بہتر بنانے کے لیے یہ بڑے پیمانے پر تبادلے کیے ہیں۔