حیدرآباد: حیڈرا کی تلہ پور میں کارروائی، 7 غیر قانونی بورویلز بند، 6 واٹر سمپس منہدم

ذرائع:

گریٹر حیدرآباد  میں  زیرزمین آبی ذخائر کے تحفظ اور غیر قانونی طور پر پانی کی فروخت روکنے کے لیے حیڈرا کی کارروائیاں جاری ہیں۔ اس سلسلے میں سنگاریڈی ضلع کے تلہ پور گاؤں کے حدود میں پیر کے روز دو مقامات پر کارروائی کرتے ہوئے 7 غیر قانونی بورویلز کو پائپوں سمیت نکال کر بند کردیا گیا، جبکہ 6 واٹر سمپس کو منہدم کردیا گیا۔ اس کے علاوہ واٹر ٹینکرس کو ضبط کرتے ہوئے مقدمات بھی درج کروائے گئے۔حیڈرا حکام کے مطابق بغیر اجازت بورویلز کھود کر زیرزمین پانی کا بے دریغ



استحصال کرتے ہوئے تجارتی مقاصد کے لیے فروخت کرنے والوں کے خلاف نگرانی جاری رہے گی۔ اس کارروائی کا مقصد زیرزمین آبی ذخائر کا تحفظ اور مقامی عوام کو پانی کی قلت سے بچانا ہے۔ واضح رہے کہ غیر قانونی طور پر پانی حاصل کرکے فروخت کرنے والے واٹر ٹینکروں کی تیز رفتار ڈرائیونگ سے بھی مقامی افراد میں تشویش پائی جاتی تھی۔ حیڈرا کی کارروائی پر مختلف کالونیوں اور گیٹیڈ کمیونٹیز کے مکینوں نے اطمینان کا اظہار کرتے ہوئے تالابوں اور کنٹوں کے علاقوں میں غیر قانونی آبی کاروبار مکمل طور پر بند کرنے کا مطالبہ کیا۔