ذرائع:
تلنگانہ کے سنگاریڈی ضلع کے امین پور بلدیہ میں واقع چکرپوری کالونی کے 1253.8 مربع گز پر مشتمل پارک کی زمین کو حیدرا نے اتوار کے روز قبضہ سے بچالیا۔ اس زمین کی مالیت تقریباً 7 کروڑ روپے بتائی جارہی ہے۔ چکرپوری کالونی ویلفیئر اسوسی ایشن نے حیدرا کی پرجاوانی میں شکایت درج کرائی تھی کہ پارک کی زمین پر قبضے کی کوششیں ہورہی ہیں۔کمشنر اے وی رنگناتھ کی ہدایت پر حیدرا کے حکام نے
متعلقہ عہدیداروں کے ساتھ موقع پر معائنہ کیا۔ امین پور گاؤں کے سروے نمبر 135 میں واقع یہ پارک زمین کل 1253.8 مربع گز رقبہ پر مشتمل ہے، معائنہ کے دوران معلوم ہوا کہ پارک کے لیے مختص زمین کی حدبندی کے پتھر ہٹادیے گئے تھے۔ اس پر حیدرا نے فوری کارروائی کرتے ہوئے پارک کے گرد باڑ لگا دی اور زمین کو محفوظ بنادیا۔ پارک کو بچانے پر کالونی کے مکینوں نے حیدرا کا شکریہ ادا کیا اور “حیدرا زندہ باد” کے نعرے لگائے۔