تلنگانہ 10 دسمبر 2025 (اعتماد نیوز) چیف منسٹر ریونت ریڈی نے کہا ہے کہ حیدرآباد کو محض اسٹارٹ اپ ہب نہیں بلکہ یونیکورن کمپنیوں کا مرکز بنانا حکومت کا مقصد ہے، جس کے لیے ریاست میں مضبوط اسٹارٹ اپ ایکو سسٹم قائم کیا جا رہا ہے۔ انہوں نے بتایا کہ حکومت اسٹارٹ اپس کی معاونت کے لئے 1000 کروڑ روپے کا
اسپیشل فنڈ قائم کر رہی ہے۔چیف منسٹر نے ٹی-ہب میں گوگل اسٹارٹ اپ پروگرام کے افتتاح کے موقع پر خطاب کرتے ہوئے اسٹارٹ اپس کو فٹبال کھیل سے تشبیہ دی اور کہا کہ ٹیم ورک، لگن اور حکمتِ عملی ہی کامیابی دلاتی ہے۔ انہوں نے یقین دہانی کرائی کہ تلنگانہ حکومت، گوگل سمیت تمام ٹیک کمپنیوں کو بھرپور تعاون فراہم کرے گی۔