حیدرآباد میں بارش کا الرٹ: 22 فروری کو موسلادھار بارش متوقع

ذرائع:

تلنگانہ میں تین دن تک کئی علاقوں میں ژالہ باری کے ساتھ بارش کا امکان ہے۔ محکمہ موسمیات نے خبردار کیا ہے کہ بدلتے ہوئے موسمی حالات کے پیش نظر 21 سے 24 فروری تک بعض مقامات پر ہلکی سے درمیانی اور بھاری بارش ہوسکتی ہے۔محکمہ کے مطابق 22 فروری کو شمال اور مشرقی تلنگانہ کے اضلاع میں بارش کی شدت



زیادہ رہنے کا امکان ہے، اگرچہ درجہ حرارت میں کمی آئے گی، لیکن بارش طوفانی شکل اختیار کر سکتی ہے اور گرج چمک کے ساتھ تیز ہواؤں کے ساتھ بارش ہو سکتی ہے۔ حیدرآباد میں بھی موسلادھار بارش کی پیش گوئی کی گئی ہے۔ محکمہ موسمیات نے عوام سے اپیل کی ہے کہ وہ ماہ کے آخر تک جاری وارننگز پر نظر رکھیں اور احتیاطی تدابیر اختیار کریں۔