حیدرآباد پولیس نے منگل ہاٹ میں بڑے پیمانے پر گھر گھر تلاشی مہم چلائی

حیدرآباد 11 اپریل 2026 (اعتماد نیوز) حیدرآباد سٹی پولیس نے منگل ہاٹ پولیس اسٹیشن حدود، گولکنڈہ زون میں صبح سویرے 6 بجے سے 8 بجے تک کمیونٹی کانٹیکٹ پروگرام منعقد کیا، جس میں مختلف عہدوں کے 184 پولیس ملازمین نے حصہ لیا۔پولیس نے اس دوران جمرات بازار لالہ بھون سے راہول فٹ ویئر تک ؛  لالہ بھون تا کنّا پان شاپ، لالا تعلیم تا ٹکر واڑی، اور بودے بابا ہنومان مندر سے لوئر دھول پیٹ



اور ملحقہ علاقوں میں وسیع پیمانے پر تلاشی مہم چلائی۔کارروائی کے دوران پولیس نے 28 دو پہیہ گاڑیاں، 49.4 لیٹر شراب وہسکی اور بیئر ، 22 کمرشیل گیس سلنڈر خالی، 12 گھریلو گیس سلنڈر اور 79 چھوٹے گیس سلنڈر ضبط کئے۔پولیس کی جانب سے گھر گھر تلاشی اور تصدیقی عمل بھی انجام دیا گیا، جس کا مقصد عوامی تحفظ کو مضبوط بنانا، شہریوں میں اعتماد پیدا کرنا اور سماج دشمن عناصر کی سرگرمیوں کو روکنا بتایا گیا ہے۔