حیدرآباد پولیس کی وضاحت: ٹریفک چالان ڈسکاؤنٹ کی سوشل میڈیا افواہیں بے بنیاد

حیدرآباد 4 دسمبر 2025 (اعتماد نیوز) حیدرآباد سٹی پولیس نے واضح کیا ہے کہ ٹریفک چالانوں پر 100 فیصد تک ڈسکاؤنٹ دئے جانے کے بارے میں سوشل میڈیا پر جاری ہونے والی معلومات مکمل طور پر بے بنیاد ہیں۔افواہوں میں 13 دسمبر کو چالان رعایت دینے کا دعویٰ کیا جارہا تھا،



جس پر پولیس نے وضاحت کرتے ہوئے کہا ہے کہ اب تک اس سلسلے میں کوئی سرکاری اعلان نہیں کیا گیا۔ عوام سے اپیل کی گئی کہ غیر مستند اور غیر مصدقہ معلومات پر یقین نہ کریں۔بتایا جاتا ہے کہ ملک کی مختلف ریاستوں میں 13 تاریخ کو لوک عدالت کے انعقاد کے سبب ایسی افواہیں پھیل رہی ہیں۔