حیدرآباد: منیکونڈا میں منجیرا پائپ لائن پھٹ گئی، اپارٹمنٹس اور گاڑیاں زیرِ آب

حیدرآباد 17 فروری 2026 (اعتماد نیوز) حیدرآباد کے علاقے منی کونڈا میں  منجیرہ سے پانی سربراہ ہونے والا پائپ اچانک پھٹ پڑا۔ پائپ لائن پھٹنے سے پانی زور سے اُبل کر سڑکوں پر پھیل گیا اور قریبی گھروں میں داخل ہوگیا، جس سے مقامی لوگ خوف و ہراس میں مبتلا ہوگئے۔پانی کے شدید دباؤ کے باعث دو اپارٹمنٹس کے سیلر مکمل طور پر زیرِ آب آگئے اور



پارکنگ میں کھڑی کاریں اور دو پہیہ گاڑیاں بھی ڈوب گئیں۔ اطلاع ملتے ہی این ڈی آر ایف کی ٹیمیں اور فائر بریگیڈ عملہ فوری طور پر موقع پر پہنچ گئے اور بھاری موٹروں کی مدد سے سیلر سے پانی نکالنے کا کام شروع کردیا۔جبکہ منجیرہ سے  پانی کی سپلائی عارضی طور پر روک دی گئی ہے۔ اچانک پیش آنے والے اس حادثے سے اپارٹمنٹ کے رہائشیوں کو شدید مشکلات کا سامنا ہے۔