مندر۔مسجد تنازعات: ہندو اور مسلم فریقین نے سپریم کورٹ کی ثالثی کی تجویز مسترد کر دی

ذرائع:

اتر پردیش کے تین اہم مندر-مسجد تنازعات میں ہندو اور مسلم فریقوں نے سپریم کورٹ کی ثالثی  کی تجویز مسترد کر دی ہے۔ دونوں فریقوں نے کہا ہے کہ وہ ان مقدمات کا فیصلہ عدالت سے ہی چاہتے ہیں۔سپریم کورٹ نے گیان واپی مسجد (وارانسی)، شری کرشن جنم بھومی-شاہی عیدگاہ مسجد (متھرا) اور شاہی جامع مسجد (سنبھل) تنازعات میں ثالثی کی پیشکش کی تھی، لیکن فریقین نے اسے قبول نہیں



کیا۔گیان واپی، متھرا اور سنبھل کے مقدمات میں ہندو فریق کا دعویٰ ہے کہ مغل دور میں مندروں کو منہدم کرکے ان کی جگہ مساجد تعمیر کی گئیں، جبکہ مسلم فریق ان دعوؤں کو مسترد کرتے ہوئے مساجد کی قانونی اور تاریخی حیثیت برقرار ہونے کا مؤقف اختیار کرتا ہے۔فریقین کی جانب سے ثالثی سے انکار کے بعد اب تینوں مقدمات کی سماعت سپریم کورٹ اور متعلقہ عدالتوں میں معمول کے عدالتی عمل کے تحت جاری رہے گی۔