حیدرآباد میں شدید بارش، چیف منسٹر ریونت ریڈی کی حکام کو چوکس رہنے کی ہدایت

حیدرآباد میں شدید بارش کے پیش نظر چیف منسٹر  ریونت ریڈی نے سرکاری مشینری کو چوکس رہنے کی ہدایت دی۔ انہوں نے تین میونسپل کارپوریشنوں کے کمشنروں، ہائیڈرا اور پولیس کمشنروں کو باہمی تال میل سے صورتحال پر مسلسل نظر رکھنے کا حکم دیا۔ چیف منسٹر نے اہم شاہراہوں، جنکشنوں اور کالونیوں



میں پانی جمع نہ ہونے دینے، متاثرہ علاقوں میں فوری طور پر عملہ اور مشینری پہنچانے، بجلی کی فراہمی برقرار رکھنے اور ٹریفک جام سے بچنے کے لیے پیشگی اقدامات کی ہدایت دی۔ ہنگامی حالات سے نمٹنے کے لیے امدادی ٹیموں اور کنٹرول رومز کو مسلسل فعال رکھنے اور فیلڈ عہدیداروں کو ہر وقت دستیاب رہنے کا بھی حکم دیا۔