ای پیپر
انگلش ویکلی
خصوصی
زیادہ دیکھے گئے
اوپینین پول
کیا آپ کو لگتا ہے کہ روتوراج گائیکواڑ چنئی سپر کنگز کے لیے اچھے کپتان ثابت ہوں گے؟
نربھیا معاملہ میں ڈیتھ وارنٹ پر سماعت 7جنوری تک ملتوی
Wed 18 Dec 2019, 19:29:36
نئی دہلی ،18دسمبر(یواین آئی)دہلی کی پٹیالہ ہاؤس عدالت نے نربھیا معاملہ کے قصورواروں کے ڈیتھ وارنٹ پر سماعت 7جنوری تک ملتوی کردی ہے ۔
عدالت نے تہاڑ جیل انتظامیہ سے چاروں قصورواروں کونوٹس جاری کرنے کو کہاہے کہ تاکہ وہ سبھی قانونی متبادل کا استعمال کرسکیں ۔اسے دیکھتے ہوئے اب انکی پھانسی کی سزا 7جنوری تک ملتوی ہوگئی ہے ۔دراصل نربھیا کے والدین نے عدالت سے قصورواروں کو جلد سے جلد پھانسی کی سزا دینے کا مطالبہ کرتے ہوئے ڈیتھ وارنٹ جاری کرنے کی درخواست کی تھی ۔تہاڑ جیل انتظامیہ اب قصورواروں
کونوٹس جاری کرکے پوچھے گی کہ کیا وہ نئے سرے سے رحم کی عرضی دائر کرنا چاہتے ہیں ۔
کونوٹس جاری کرکے پوچھے گی کہ کیا وہ نئے سرے سے رحم کی عرضی دائر کرنا چاہتے ہیں ۔
اڈیشنل سیشن جج ستیش کمار اروڑہ کی عدالت نے بدھ کو اس معاملہ کی سماعت ویڈیوکانفرنسنگ کے ذریعہ کی تھی ۔
واضح رہے کہ سپریم کورٹ نے راجدھانی کے نربھیا اجتماعی عصمت دری معاملہ کے قصوروار اکشے سنگھ کی نظر ثانی کی عرضی آج خارج کردی اور اسکی پھانسی کی سزا برقراررکھی ۔
سپریم کورٹ کی جسٹس آر بھانومتی ،جسٹس اشوک بھوشن اور جسٹس اے ایس بوپنا کی بنچ نے اکشے کی نظرثانی کی عرضی یہ کہتے ہوئے خارج کردی کہ عرضی میں کوئی دم نہیں ہے ۔
اس پوسٹ کے لئے کوئی تبصرہ نہیں ہے.
خصوصی میں زیادہ دیکھے گئے
Indian Rupee Converter