وزیر صحت دامودر راج نرسمہا کا فوڈ سیفٹی اور ڈرگ کنٹرول نظام مزید سخت کرنے کا حکم

حیدرآباد: وزیر صحت دامودر راج نرسمہا نے سکریٹریٹ میں اعلیٰ عہدیداروں کے ساتھ اجلاس منعقد کرتے ہوئے فوڈ سیفٹی اور ڈرگ کنٹرول محکموں کی کارکردگی کا جائزہ لیا۔ اجلاس میں عوام کو معیاری غذا اور محفوظ ادویات فراہم کرنے کے لیے دونوں محکموں کے درمیان تال میل مزید مضبوط بنانے پر تفصیلی غور کیا گیا۔ وزیر نے ملاوٹی غذا، ناقص اور نقلی ادویات کی تیاری، ذخیرہ اور



فروخت کے خلاف انفورسمنٹ نظام کو مزید سخت بنانے کی ہدایت دی۔ انہوں نے معائنوں، نمونوں کی وصولی، لیب ٹیسٹ اور قانونی کارروائیوں میں تیزی لانے کے ساتھ فوڈ ٹیسٹنگ لیبارٹریوں کو جدید بنانے اور عملے کی کمی دور کرنے پر بھی زور دیا۔دامودر راج نرسمہا نے واضح کیا کہ عوامی صحت کے معاملے میں حکومت کسی بھی قسم کا سمجھوتہ نہیں کرے گی اور غلط کام کرنے والوں کے خلاف سخت کارروائی کی جائے گی۔