حیدرآباد میں سونے اور چاندی کی قیمتوں میں ایک بار پھر اضافہ

حیدرآباد 21 جنوری 2026 (اعتماد نیوز) سونے اور چاندی کی قیمت میں پھر ہوا اضافہ،حیدرآباد: سونے اور چاندی کی قیمتوں میں  اضافہ کا سلسلہ  جاری ہے۔ پہلے ہی لاکھوں روپے سے تجاوز کر چکے 24  کیرٹ کے 10 گرام سونے کی قیمت آج صبح مزید بڑھ گئی۔ حیدرآباد مارکیٹ میں سونے کی قیمت ایک لاکھ 59 ہزار روپے تک پہنچ گئی ہے۔ گزشتہ دن کے مقابلے میں سونے کی



قیمت تقریباً 6 ہزار روپے سے زائد بڑھ گئی ہے۔دوسری جانب چاندی کی قیمت بھی تیزی سے بڑھ رہی ہے۔ آج کی مارکیٹ میں چاندی کی فی کلو قیمت 3 لاکھ 19 ہزار 200 روپے ہے۔ بین الاقوامی مارکیٹ میں بھی ان  قیمتی دھاتوں کی قیمتیں تیزی سے بڑھ رہی ہیں۔ فی اونس چاندی کی قیمت تاریخ میں پہلی بار 94 ڈالر کے ہندسے کو عبور کر گئی ہے جبکہ فی اونس سونے کی قیمت 4,849 ڈالر تک پہنچ گئی ہے۔