کورونا سے پیدا ہوئی مایوسی مٹانے کے لئے اتوار کو گھروں میں دیا یا موم بتی جلا ئیں : مودی

نئی دہلی، 3 اپریل ( یواین آئی ) وزیر اعظم نریندر مودی نے کورونا وائرس (كووڈ -19) سے مقابلے کے لئے ملک گیر لاک ڈاؤن میں عوام سے ملے تعاون کی تعریف کرتے ہوئے تمام ملک کے باشندوں کو آئندہ اتوار پانچ اپریل کی رات نو بجے اپنے گھر کی روشنی بند کر کے گھر کے دروازے اور بالا خانہ پر نو منٹ تک دیا یا موم بتی جلا کر كورونا کی تاریکی سے لڑنے کی اپیل کی ہے ۔

مسٹر مودی نے جمعہ کی صبح نو بجے اپنے ویڈیو پیغام میں یہ اپیل کی ۔ كورونا سے مقابلے کے لئے ان کا قوم کے نام آج یہ تیسرا پیغام تھا ۔ مسٹر مودی نے کہا کہ اس کورونا وائرس بحران اور لاک ڈاؤن سے سب سے زیادہ ہمارے غریب بھائی بہن متاثر ہوئے ہیں ۔ انہیں مایوسی سے امید کی طرف لے جانا ہے ۔ وزیر اعظم نے کہا’’ اس کورونا بحران سے



جو تاریکی اور غیر یقینی صورتحال پیدا ہوئی ہے، اسے ختم کر کے ہمیں روشنی اور اعتماد کی جانب بڑھنا ہے ۔ اس کورونا کی تاریکی کے بحران کو شکست دینے کے لئے، ہمیں روشنی کا جلال چاروں سوں پھیلانا ہے ۔ ہمیں 130 کروڑ ملک کے باشندوں کی ’ مہا شکتی کا جاگرن ‘ کرنا ہے ۔ لہذا اس اتوار یعنی پانچ اپریل کو ہم سب کو مل کر کورونا وائرس بحران کی تاریکی کو چیلنج کرنا ہے، اسے روشنی کی طاقت کا تعارف کرانا ہے ۔ انهوں نے کہا’’ 130 کروڑ ملک کے باشندوں کے عزم کو نئی بلندیوں تک لے جانا ہے ۔ پانچ اپریل کو رات نو بجے میں آپ سب کے نو منٹ چاہتا ہوں ۔ پانچ اپریل کو رات نو بجے، گھر کی تمام لائیٹیں بند کر کے، گھر کے دروازے پر یا بالکنی میں کھڑے رہ کر نو منٹ کے لئے موم بتی، دیا ، ٹارچ یا موبائل کی فلیش لائٹ جلائیں ۔