ڈوبھال کے کشمیری لوگوں کے ساتھ کھانا کھانےپرآزاد کا طنز

نئی دہلی،8اگست(ایجنسی)کانگریس کے سینئر لیڈر اورجموں و کشمیر کے سابق وزیراعلی غلام نبی آزاد نے جمعرات کو قومی سلامتی کے مشیر اجیت ڈوبھال کے کشمیری لوگوں کے ساتھ کھانا کھانے پر طنز کیامسٹر آزاد نے یہاں نامہ نگاروں سے کہا’’پیسے دےکر آپ کسی کو بھی اپنے ساتھ لے سکتے ہیں۔‘‘

واضح رہے کہ بدھ کو ایک ویڈیو کلپ میں دکھایاگیا تھا کہ مسٹرڈوبھال شوپیاں میں مقامی لوگوں کے ساتھ بات چیت



کررہے ہیں اور ان کے ساتھ سڑک کے کنارے کھڑے ہوکر کھانا کھارہےہیں۔حکام کے مطابق مسٹر ڈوبھال مقامی لوگوں کا بھروسہ جیتنے کے مقصد سے ان سے بات چیت کررہے ہیں۔

مسٹر ڈوبھال نے اس کے ساتھ ہی وہاں تعینات نیم فوجی دستے کے جوانوں کے ساتھ بھی بات چیت کی۔مرکزی حکومت کے ذریعہ پیر کو جموں و کشمیر کو خصوصہ درج دینے والے آئین کے آرٹیکل 370 کو ہٹانے کے بعد مسٹر ڈوبھال منگل کو کشمیر کےلئے روانہ ہوئے تھے۔