آندھرا پردیش 15 مارچ 2026 (اعتماد نیوز) آندھرا پردیش کے ضلع انّامیا کے پنگنور میں بائیک کے دھوئیں سے ایک ہی خاندان کے چار افراد ہلاک ہوگئے۔ پولیس کے مطابق مرلی نامی شخص نے مرمت کے بعد مکینک کے مشورے پر بائیک کو رات بھر گھر کے اندر
اسٹارٹ رکھا۔ دھواں پھیلنے سے نیچے کمرے میں سو رہے دادا رام چندریہ، پوتا کارتیک اور جڑواں پوتیاں چریت اور چندنا کا دم گھٹ گیا اور وہ ہلاک ہوگئے، جبکہ اوپر کمرے میں سونے والے مرلی اور اس کی بیوی ریوتی محفوظ رہے۔ واقعہ کے بعد خاندان میں کہرام مچ گیا۔