یوم جمہوریہ تقریب میں سابق وزیر محمودعلی کی طبیعت اچانک بگڑگئی

ذرائع:

حیدرآباد:یوم جمہوریہ کی تقریب کےموقع پربی آرایس لیڈراور سابق وزیر داخلہ محمود علی کی طبیعت اچانک بگڑگئی۔سابق وزیرداخلہ یوم جمہوریہ کے موقع پر پرچم کشائی پروگرام میں شرکت کرنے کےلئے تلنگانہ بھون پہنچے تھے تاہم اچانک انکی طبیعت بگڑگئی۔اسی کے ساتھ انہیں فورا اسپتال لے جایاگیا۔

تفصیلات کے مطابق بی آر ایس کے



کارگزار صدر کے تارکاراماراو نے یوم جمہوریہ کے موقع پر تلنگانہ بھون میں قومی پرچم لہرایا۔ اس موقع پر بی آر ایس قائدین نے بھی شرکت کی۔ اس تقریب کے موقع پر سابق وزیر داخلہ محمود علی بے ہوش ہوگئے۔ اچانک گرتے ہوئےانہیں ساتھی بی آر ایس رہنماؤں نےتھام لیا۔جس کے بعد انہیں فوری طور پر اسپتال لے جایا گیا۔بتایاجارہاہے کہ سابق وزیرکی طبیعت فی الحال مستحکم ہے۔