تلنگانہ میں تیسری قانون ساز اسمبلی کی تشکیل، گزٹ نوٹیفکیشن جاری

حیدرآباد: تلنگانہ کے الیکشن کمیشن نے ایک اہم فیصلہ لیا ہے۔ تلنگانہ میں اسمبلی انتخابات کے نتائج آنے کے بعد نئی حکومت کی تشکیل دینےکے لئے اقدامات کئےجارہے ہیں۔ اس سلسلے میں تلنگانہ میں تیسری قانون ساز اسمبلی کے قیام کا گزٹ نوٹیفکیشن جاری کیاگیا ہے۔ چیف الیکشن آفیسر وکاس راج اور الیکشن کمیشن کے پرنسپل سکریٹری نے یہ گزٹ گورنر تملائی سائی کو سونپاہے۔ اس کے علاوہ الیکشن سے متعلق رپورٹ بھی دی گئی۔ 

سی ای او وکاس راج نے جیتنے والے ارکان اسمبلی کی فہرست گورنر کو سونپی۔

دوسری جانب گورنر تملائی سائی نے موجودہ مقننہ کو تحلیل کرنے کا سرکلر جاری کیا۔ اسمبلی



سکریٹری نرسمہاچاری نے چند لمحات پہلے موجودہ قانون ساز اسمبلی کو تحلیل کرتے ہوئے اسمبلی کی تحلیل کی کاپیاں گورنر کے حوالے کیں۔ 

تلنگانہ میں آج رات نئی حکومت تشکیل پائے گی۔ چیف منسٹر8:30 بجے حلف لیں گے۔ ایسا لگتا ہے کہ چیف منسٹر کے ہمراہ بعض وزراء کا بھی حلف لینے کا امکان ہے۔ حکام نے نئے وزراء کے لئے گاڑیاں تیار کر لی ہیں۔ اس سلسلے میں دلکشا گیسٹ ہاؤس کو گاڑیاں لائی گئیں۔ نئی حکومت کی مناسبت سے سیکرٹریٹ میں انتظامات کئے جا رہے ہیں۔ اور جی اے ڈی کی جانب سے چیمبر تیار کئے جارہے ہیں۔ اہلکاروں نے پرانے بورڈز ہٹا دیئے۔ سرکاری مشیروں کے دفاتر کو عملے نے خالی کر دیا ہے۔ گراؤنڈ فلور پر میڈیا کے لئے الگ کمرہ مختص کیا گیا ہے۔