پارلیمنٹ میں وزیر خزانہ نرملا سیتا رمن نے پیش کیا عام بجٹ

وزیر خزانہ نرملا سیتا رمن نے پارلیمنٹ میں عام بجٹ پیش کیا- سال 2023-24 میں تنخواہ دار ملازمین کے لیے پرکشش انتظام کے تحت نئے ٹیکس نظام میں سات لاکھ سالانہ آمدنی کو انکم ٹیکس سے مکمل طور پر مستثنیٰ قرار دیا ہے۔

وہیں وزیر اعظم نریندر مودی نے اس بجٹ کو لیکر کہا ہے کہ امرت کال کے پہلے مالی سال 2023-24 کا بجٹ ترقی یافتہ ہندوستان کے عظیم عہد کو پورا کرنے کے لئے ایک مضبوط بنیاد بنائے گا اور اس میں پسماندہ افراد کو ترجیح دی جائے گی۔

 مرکزی وزیر خزانہ نرملا سیتارمن نے مرکزی بجٹ 2023-24 پیش کرتے ہوئے اس بات پر زور دیا کہ ’’کسی کو پیچھے نہ چھوڑنے‘‘کے منتر کے



نتیجے میں ملک کی جامع ترقی ہوئی ہے۔

عام بجٹ 2023-24 میں ہندوستانی ریلوے کے لئے 2.4 لاکھ کروڑ روپے کے سرمائے کے اخراجات مختص کئے گئے ہیں۔

 وزیر خزانہ نے بجٹ 2023-24 میں کسانوں کی سہولت کے لیے ڈیجیٹل پبلک اور انفراسٹرکچر پلیٹ فارم شروع کرنے کا اعلان کیا۔

بجٹ کو لیکر دہلی کے وزیر اعلی اروند کیجریوال نے کہا کہ اس بجٹ میں مہنگائی سے کوئی راحت نہیں بلکہ اس بجٹ سے مہنگائی میں اضافہ ہوگا ۔

کیجروال کے بعد تیجسوی نے کہا کہ بہار کے لیے بجٹ میں کچھ نہیں ہے، اور ٹیکس چھوٹ آنکھوں کا دھوکہ ہے-

بجٹ کے پیش ہونے کے ساتھ ہی سینسیکس میں 1100 پوائنٹس کی تیزی درج کی گئی-