نئے ہندوستان کی تعمیر کا ہر ہندستانی عہد کرے: مودی

نئی دہلی،  :-  وزیر اعظم نریندر مودی نے ہم وطنوں کو ’اگست کرانتی ‘ کی یاد دلاتے ہوئے اس یوم آزادی پر ہر شہری سے نئے ہندوستانی کی تعمیر میں تعاون دینے کا عہد کرنے اور اگلے پانچ برسوں میں اسے ثابت کرنے کی مہم چلانے کے لیے کہا ہے۔

مسٹر مودی نے ریڈیو پر ’من کی بات‘ پروگرام میں کہا کہ ملک اس سال 1942 کی اگست



انقلاب کی 75 ویں سالگرہ منا رہا ہے جس میں ہر ہندوستانی کے کئے گئے عہد کی وجہ سے پانچ سال بعد کروڑوں لوگوں کا خواب شرمندہ تعبیر ہوا تھا اور ملک کو آزادی ملی تھی۔

انہوں نے کہا کہ آج سے پانچ سال بعد 2022 میں ملک آزادی کی 75 ویں سالگرہ منائےگا ایسے میں یہ پانچ سال ملک کے مستقبل کے لئے فیصلہ کن ثابت ہو سکتے ہیں۔