حلقہ قطب اللہ پور میں روزنامہ اعتماد اردو کا دوبارہ آغاز

محترم المقام جناب برہان الدین اویسی، ایڈیٹر اِن چیف روزنامہ اعتماد  کی سرپرستی میں آج سے حلقہ قطب اللہ پور میں روزنامہ اعتماد اردو کو دوبارہ لانچ کر دیا گیا۔ اس موقع پر مقامی عوام اور اردو قارئین میں خوشی و مسرت کی لہر دیکھنے میں آئی۔ مقامی افراد طویل عرصے سے روزنامہ اعتماد کو اپنے علاقے تک دوبارہ پہنچانے کا مطالبہ کر رہے تھے اور اخبار کی دوبارہ دستیابی پر انہوں نے خوشی کااظہار کیا۔ مقامی قارئین کا کہنا تھا کہ



موجودہ دور میں روزنامہ اعتماد سچ، حق اور انصاف کی آواز کے طور پر اپنی ایک منفرد شناخت رکھتا ہے۔ عوام نے امید ظاہر کی کہ اعتماد اخبار کی دوبارہ اشاعت اور حلقہ قطب اللہ پور میں دستیابی سے اردو زبان سے وابستہ قارئین کو مستند اور بروقت خبریں حاصل ہوں گی۔ عوام نے روزنامہ اعتماد اردو کے انتظامیہ کا شکریہ ادا کرتے ہوئے اس اقدام کا خیرمقدم کیا اور کہا کہ حلقہ قطب اللہ پور میں اخبار کی دوبارہ شروعات اردو قارئین کے لیے ایک خوش آئند خبر ہے۔