ای پیپر
انگلش ویکلی
خصوصی
زیادہ دیکھے گئے
اوپینین پول
کیا آپ کو لگتا ہے کہ روتوراج گائیکواڑ چنئی سپر کنگز کے لیے اچھے کپتان ثابت ہوں گے؟
کشمیر: ترال میں فورسز اور جنگجوؤں کے درمیان مسلح تصادم شروع
Thu 03 Jan 2019, 19:34:03
سری نگر،3 جنوری (ایجنسی) جنوبی کشمیر کے ضلع پلوامہ کے Tral ترال جنگلات میں جمعرات کی صبح سیکورٹی فورسز اور جنگجوؤں کے درمیان تصادم آرائی شروع ہوئی۔ تازہ اطلاعات کے مطابق تصادم میں اب تک دو جنگجو ہلاک جبکہ تین سیکورٹی فورس اہلکار زخمی ہوگئے ہیں۔
یو این آئی کو موصولہ اطلاعات کے مطابق فوج کی 42 آرآر، جموں کشمیر پولیس کی ایس او جی ونگ اور سی آر پی ایف نے علاقے میں جنگجوؤں کی موجودگی کی اطلاع پر گلشن پورہ ترال کا محاصرہ کیا اور جوں ہی فوج نے تلاشی کارروائیاں
تیز کیں تو وہاں چھپے جنگجوؤں نے فوج پر فائرنگ شروع کی جس کے نتیجے میں طرفین کے درمیان معرکہ آرائی شروع ہوئی جو یہ رپورٹ فائل کئے جانے تک جاری تھی۔
اطلاعات کے مطابق معرکہ آرائی شروع ہوتے ہی حکام نے اونتی پورہ پولیس ضلع بشمول پانپور،اونتی پورہ اور ترال میں انٹرنیٹ سہولیات معطل کردیں۔
ترال کے مختلف علاقوں میں مقامی لوگوں اور سیکورٹی فورسز کے مابین جھڑپیں بھڑک اٹھی ہیں۔ ان جھڑپوں میں قریب آدھ درجن احتجاجیوں کے زخمی ہونے کی اطلاعات ہیں۔
اس پوسٹ کے لئے کوئی تبصرہ نہیں ہے.
خصوصی میں زیادہ دیکھے گئے
Indian Rupee Converter