آندھرا-تلنگانہ سمیت ان ریاستوں میں ضمنی انتخابات کا اعلان

نئی دہلی،16مارچ(ذرائع) مرکزی انتخابی کمیشن نے منگل کو آندھرا پردیش اور کرناٹک کی ایک ایک لوک سبھا سیٹ اور تلنگانہ سمیت دیگر ریاستوں کی 14 اسمبلی سیٹوں پر ضمنی انتخابات کا شیڈول جاری کردیا ہے- آندھرا پردیش کی تروپتی لوک سبھا سیٹ پر ، وہیں تلنگانہ کی ناگرجنا ساگر سیٹ پر ضمنی انتخابات ہوگا-

الیکشن کمیشن کی طرف سے جاری شیڈول کے مطابق، 23 مارچ کو



نوٹیفیکیشن جاری ہوگا- 30 مارچ کو امیدواروں پرچہ نامزدگی داخل کرنے کی آخری تاریخ ہوگی- 31 مارچ کو ناموں کی جانچ، اور 3 اپریل کو نام واپس لینے کی آخری تاریخ ہوگی-

شیڈول کے مطابق 17 اپریل کو ان سبھی سیٹوں پر ضمنی انتخابات کے لیے ووٹنگ ہوگی- جبکہ 2 مئی کو پانچ ریاستوں میں ہونے والے اسمبلی انتخابات کے ساتھ ہی ان ضمنی انتخابات کے بھی نتائج آئیں گے، یعنی دو مئی کو گنتی ہوگی-