دہشت گردی کے خلاف جنگ میں دوہرا معیار برداشت نہیں کیا جائے گا : ہندوستان۔ برطانیہ

لندن / نئی دہلی ، 24 جولائی (یو این آئی) ہندوستان اور برطانیہ نے اس بات پر زور دیا ہے کہ دہشت گردی کے خلاف جنگ میں دوہرے معیار کی کوئی جگہ نہیں ہے اور انتہا پسند نظریات کی حامل قوتوں کو جمہوری آزادیوں کا غلط استعمال کرنے کی اجازت نہیں دی جائے گی وزیر اعظم نریندر مودی، جو برطانیہ کے سرکاری دورے پر ہیں، جمعرات کو لندن میں اپنے ہم



منصب کیئر اسٹار مر کے ساتھ دو طرفہ بات چیت کے بعد ایک پریس بیان میں کہا کہ جمہوری آزادیوں کا غلط استعمال کر کے جمہوریت کو نقصان پہنچانے والوں کا احتساب ہونا چاہیے۔ پہلگام دہشت گردانہ حملے کی سخت مذمت کرنے پر برطانیہ کا شکریہ ادا کرتے ہوئے مسٹر مودی نے کہا، " ہم اس بات پر متفق ہیں کہ دہشت گردی کے خلاف جنگ میں دوہرے معیار کی کوئی جگہ نہیں ہے۔