سنگین بحران کےدورسے گزررہی ہے جمہوریت:کانگریس

نئی دہلی ،13ستمبر(ایجنسی)کانگریس نے الزام لگایاہے کہ مودی حکومت لوک سبھا انتخابات میں ملی عوام کی زبردست حمایت کا ناجائز استعمال کررہی ہے اور اس نے جمہوریت کو انتہائی سنگین بحران کے دور میں لاکھڑاکیاہے ۔

کانگریس نے جمعہ کو ٹویٹر پر پارٹی صدر سونیا گاندھی کے حوالہ سے ٹویٹ کیا’’ ہماری جمہوریت کبھی اتنے سنگین بحران سے نہیں گزری ہے ۔لوک سبھا کے 2019کے انتخابات میں ملی واضح اکثریت کا ناجائز



استعمال ہورہا ہے اور خطرناک طریقہ سے جمہوریت سے کھلواڑ کیاجارہاہے ۔‘‘

اس کے ساتھ ہی پارٹی نے محترمہ گاندھی کی تقریر کے دوران تصویر کےساتھ ایک پوسٹر بھی پوسٹ کیاہے جس میں لکھاہے ’’ ملک ان طاقتوں کو روکنے کے لیے ہماری طرف امیدکی نگاہوں سے دیکھ رہاہے ۔یہ طاقتیں گاندھی جی ،سردار پٹیل اور ڈاکڑ بی آر امبیڈکر کو اپنے نظریہ سے جوڑ نے کی کوشش کرکے اپنے مفادمیں ان کے پیغامات کو غلط طریقہ سے پیش کررہی ہیں ۔‘‘