دہلی کی عدالت نے 2020 کے دہلی فسادات کیس میں 9 کو بری کر دیا

ذرائع:

دہلی کی ایک عدالت نے 2020 کے دہلی فسادات سے متعلق ایک اہم کیس میں ثبوتوں کی کمی کے باعث 9 افراد کو بری کر دیا۔ بری ہونے والوں میں شاہ عالم، راشد سیفی، محمد شاداب، حبیب، عرفان، سہیل، سلیم، ارشاد اور اظہر شامل ہیں۔یہ تمام افراد گزشتہ کئی برسوں سے سنگین الزامات کا سامنا کر رہے تھے، انہیں گرفتار کرتے ہوئے جیل بھیجا



گیا اور مقدمات میں الجھائے رکھا گیا۔ طویل قانونی کارروائی کے بعد عدالت نے ناکافی شواہد کی بنیاد پر انہیں باعزت بری کر دیا۔اس فیصلے کے بعد ایک اہم سوال اٹھ رہا ہے کہ آخر ان افراد کو ان برسوں کی قید، مبینہ پولیس زیادتی، ذہنی اذیت، سماجی بدنامی اور مالی نقصان کا ازالہ کون کرے گا، جس کا سامنا نہ صرف انہوں نے بلکہ ان کے خاندانوں نے بھی کیا؟