حجاب واقعہ پر کانگریس کارکنوں کا چارمینار کے پاس احتجاج

ذرائع:

حجاب واقعہ پر بہار کے چیف منسٹر نتیش کمار سے فوری عوامی معافی اور استعفیٰ کا مطالبہ کرتے ہوئے کانگریس  کارکنوں نے  چارمینار کے قریب احتجاج کیا۔ یہ احتجاج حیدرآباد ڈسٹرکٹ کانگریس کمیٹی کے صدر سید خالد سیف اللہ کی قیادت میں کیا گیا۔ مظاہرین نے الزام عائد کیا کہ پٹنہ



میں ایک عوامی تقریب کے دوران خاتون ڈاکٹر کا حجاب ہٹانا خواتین کی عزتِ نفس، شخصی آزادی اور آئینی حقوق کی سنگین خلاف ورزی ہے۔ خالد سیف اللہ نے کہا کہ محض معافی کافی نہیں بلکہ جواب دہی کے لیے استعفیٰ ضروری ہے۔ انہوں نے نیشنل کمیشن فار ویمن سے بھی فوری کارروائی کا مطالبہ کیا اور خبردار کیا کہ مطالبات پورے ہونے تک پُرامن احتجاج جاری رہے گا۔