صنعت کاروں کیلئے بغیر کسی ضمانت کے 50 لاکھ روپے تک کا قرض منصوبہ لایا جائے گا : کووند

نئی دہلی، 20 جون (ایجنسی) صدر رام ناتھ کووند نےصنعت کاروں کے لئے بغیر کسی ضمانت کے 50 لاکھ روپے کاقرض منصوبہ لائے جانے کا اعلان کرتے ہوئے جمعرات کو کہا کہ معاشرے کے ہر طبقہ کے نوجوان کو اپنے خوابوں کو پورا کرسکے اس کے لئے وقت پر مالی وسائل فراہم کرانے پر زور دیا جارہا ہے۔

صدر نےپارلیمنٹ کے دونوں ایوانوں کے مشترکہ اجلاس سے خطاب کرتے ہوئے، کہا کہ وزیراعظم مدرا یوجنا کا اثر وسیع پیمانے پر دیکھا جا رہا ہے۔ اس سکیم کے تحت، خود روزگار کے لئے تقریبا 19 کروڑ قرض دیئے گئے ہیں۔ اس منصوبہ کو توسیع کرتے ہوئے اب 30 کروڑ افراد تک اس کا فائدہ پہنچانے کی کوشش کی جائے گی۔ صنعت کاروں کے لئے کسی بھی ضمانت کے بغیر 50 لاکھ روپے کا قرض کا منصوبہ بھی لایا جارہا ہے ۔ معیشت



کو تیز رفتار عطا کرنے والے شعبوں میں مناسب پالیسیوں کے ذریعے نئے روزگار کے مواقع پیدا کیے جائیں گے۔

انہوں نے کہا کہ آج ہندوستان دنیا کے سب سے زیادہ اسٹارٹ اپ والے ملکوں میں شامل ہو چکا ہے۔اسٹارٹ اپ ایکو سسٹم کو بہتر بنانے کے لئے حکومت قوانین کو مزید آسان بنارہی ہے جس میں مزید تیزی لائی جائے گی۔ حکومت کا ہدف 2024 تک ملک میں 50 ہزار اسٹارٹ اپ قائم کرنا ہے۔

انہوں نے غیر منظم شعبے کے خواتین کارکنوں کے لئے سہولیات کو بہتر بنانے کا حوالہ دیتے ہوئے کہا کہ دین دیال اپادھیائے روزگار مشن کے ذریعہ دیہی خواتین کو خودروزگار کے مواقع فراہم کرائے جارہے ہیں۔ قومی معیشت کے مشن کے تحت، دیہی علاقوں میں 3 کروڑ خواتین کو اب تک 2 لاکھ کروڑ روپے سے زائد قرض دیا گیا ہے۔