وزیراعلیٰ ریونت ریڈی کی بی جے پی پر شدید تنقید، اویسی کو بی جے پی کی ’لائف لائن‘ قرار دیا

ذرائع:

چیف منسٹر ریونت ریڈی نے بی جے پی قائدین پر سخت تنقید کرتے ہوئے کہا کہ وہ بظاہر رام کا نام لیتے ہیں، مگر حقیقت میں روزانہ اسدالدین اویسی کا ذکر کئے بغیر ان کا دن نہیں گزرتا۔ انہوں نے کہا کہ انہیں معلوم نہیں وہ رام کو کتنی بار یاد کرتے ہیں، لیکن اویسی کا نام لئے بغیر ان کی سیاست نہیں چلتی اور ایم آئی ایم ہی ان کی ’’لائف لائن‘‘ بن چکی ہے۔انہوں نے سوال کیا کہ جب تمام اختیارات ان کے پاس ہیں تو پھر وہ اویسی کو کیوں قابو میں



نہیں لا پا رہے۔ چیف منسٹر نے کہا کہ اس ملک میں دیگر سیاسی جماعتوں کی طرح ایم آئی ایم بھی ایک سیاسی جماعت ہے، پھر کب تک اس پارٹی کو خوف کی علامت بنا کر ووٹ مانگے جاتے رہیں گے۔ انہوں نے الزام لگایا کہ مذہبی نفرت کو ہوا دے کر اور چند سیاسی قائدین کو نشانہ بنا کر اپنی سیاسی بقا برقرار رکھنا بی جے پی کی فکری دیوالیہ پن کی انتہا ہے۔ریونت ریڈی نے کہا کہ تلنگانہ کے عوام کو سوچنا چاہیے کہ کیا اس طرح کی منفی سیاست دیکھ کر بی جے پی کو ووٹ دینا مناسب ہے یا نہیں۔