ریونت ریڈی کی شانتنو نارائن سے ملاقات، اے آئی اور گرین انرجی پر گفتگو

ذرائع:

چیف منسٹر ریونت ریڈی نے اڈوب کمپنی کے چیف ایگزیکٹو آفیسر اور تلنگانہ رائزنگ۔2047 وژن بورڈ کے رکن شانتنو نارائن   سے اعلیٰ سطحی ملاقات کی۔ اس موقع پر عالمی مینوفیکچرنگ رجحانات، گرین انرجی، مصنوعی ذہانت کے روزگار پر انقلابی اثرات اور نوجوانوں کی مہارت سازی و از سرِ نو تربیت کی حکمت عملی پر تفصیلی تبادلۂ خیال کیا گیا۔ اس  خیرسگالی ملاقات   کے دوران عالمی منظرنامے میں تیزی سے رونما ہونے والی تبدیلیوں اور مختلف شعبوں میں



ابھرنے والے نئے مواقع پر مستقبل پر مبنی گفتگو ہوئی۔ اس بات پر بھی غور کیا گیا کہ حکومتِ تلنگانہ کو مسابقتی برتری برقرار رکھنے اور مستقبل کے تقاضوں سے ہم آہنگ رہنے کے لیے کن عملی اقدامات کی ضرورت ہے۔ چیف منسٹر نے زور دیا کہ تلنگانہ کو ایک نمایاں مینوفیکچرنگ مرکز کے طور پر مستحکم کرنے اور بڑی عالمی کمپنیوں کو ریاست میں راغب کرنے کے لیے جامع اور اسٹریٹجک منصوبہ بندی کی جائے۔ انہوں نے پالیسی، بنیادی ڈھانچے اور اختراعی نظام کو ہم آہنگ کر کے پائیدار صنعتی ترقی کو فروغ دینے کی اہمیت پر بھی روشنی ڈالی۔