چیف منسٹر ریونت ریڈی کی وضاحت: بھوپال پلی ضلع کے خاتمے یا نئی ضلع بندی کا کوئی ارادہ نہیں

ذرائع:

چیف منسٹر ریونت ریڈی نے واضح کیا ہے کہ کسی بھی ضلع کو ختم کرنے یا نیا ضلع بنانے کا کوئی منصوبہ حکومت کے زیرِ غور نہیں ہے۔ بھوپال پلی میں بلدی انتخابات کے جلسہ سے خطاب کرتے ہوئے انہوں نے کہا کہ بھوپال پلی ضلع کو کانگریس پارٹی ختم کرنے والی ہے، اس طرح کی زہریلی افواہیں بعض افراد پھیلا رہے ہیں، جبکہ وہ اس جلسے عام  سے



تلنگانہ کے چار کروڑ عوام کو یقین دلاتے ہیں کہ اگر کبھی اضلاع کی ازسرِ نو تقسیم پر کوئی فیصلہ لیا گیا تو عوام کو کھلے عام بتایا جائے گا، اسمبلی میں بحث ہوگی اور اپوزیشن کی تجاویز لینے کے بعد ہی کوئی قدم اٹھایا جائے گا۔ انہوں نے دوٹوک انداز میں کہا کہ کتنی ہی سازشیں اور غلط فہمیاں کیوں نہ پھیلائی جائیں، جئے شنکر بھوپال پلی ضلع کہیں نہیں جائے گا۔