چیف منسٹر ریونت ریڈی اور سلمان خان ایک ہی اسٹیج پر

چیف منسٹر ریونت ریڈی اور بالی ووڈ کے سوپر اسٹار سلمان خان ہفتہ کی رات حیدرآباد کے گچی باؤلی میں ایک ہی اسٹیج پر جلوہ گر ہوئے۔ جی ایم سی بالایوگی ایتھلیٹک اسٹیڈیم میں انڈین سوپر کراس ریسنگ لیگ سیزن-2 کا شاندار آغاز ہوا جس میں چیف منسٹر ریونت ریڈی نے بطور مہمانِ خصوصی شرکت کی، جبکہ سلمان خان بھی خصوصی طور پر اس تقریب میں شریک رہے۔اس دوران چیف منسٹر ریونت ریڈی



اور سلمان خان نے گرمجوشی کے ساتھ مصافحہ  اور گلے مل کر  ایک دوسرے کا خیرمقدم کیا، جس نے ہزاروں شائقین کو جوش سے بھر دیا۔ دونوں کی ملاقات کے لمحے کی تصاویر اور ویڈیوز تیزی سے سوشل میڈیا پر وائرل ہو رہی ہیں اور مداح ان کی تعریفوں کے پل باندھ رہے ہیں۔ تقریب میں وزیر انڈسٹریش سری دھر بابو سمیت کئی اہم شخصیات موجود تھیں، جبکہ اسپورٹس اور انٹرٹینمنٹ کی چمک دمک سے اسٹیڈیم کا ماحول  تبدیل ہوگیا۔