چھتیس گڑھ میں مذہبی آزادی بل 2026 پیش، تبدیلیٔ مذہب پر قابو کی کوشش

رائے پور سے ایک اہم خبر سامنے آئی ہے، جہاں چھتیس گڑھ حکومت نے مذہب کی آزادی سے متعلق ایک نئے بل پر غور شروع کر دیا ہے۔ چھتیس گڑھ کے نائب وزیرِ اعلیٰ وجے شرما نے "چھتیس گڑھ دھرم سوتنترتا ودھیک 2026" کے حوالے سے بات کرتے ہوئے کہا کہ آئینِ ہند کا آرٹیکل 25 ہر شہری کو ضمیر کی آزادی اور اپنے مذہب پر عمل اور اس کی تبلیغ کا حق دیتا ہے۔انہوں نے کہا کہ مذہبی آزادی کا یہ حق مکمل طور پر مطلق نہیں بلکہ عوامی نظم و ضبط کے تابع ہے، اور ریاست و



ملک میں امن و امان کو اولین ترجیح حاصل ہے۔ ان کے مطابق ہندوستان ایک سیکولر ملک ہے اور یہ اس کی بنیادی شناخت کا حصہ ہے۔ وجے شرما نے مزید کہا کہ حالیہ برسوں میں مذہب کی تبدیلی کے واقعات میں اضافہ دیکھا گیا ہے، جس کے پیش نظر اس پر قابو پانے کی ضرورت محسوس کی گئی۔ اسی مقصد کے تحت دیگر ریاستوں کے قوانین کا جائزہ لیا گیا اور ایک مکمل ٹیم کی مدد سے اس بل کا مسودہ تیار کیا گیا۔انہوں نے بتایا کہ یہی وجہ ہے کہ اس قرارداد کو آج اسمبلی میں پیش کیا گیا، تاکہ اس پر بحث کے بعد مناسب فیصلہ لیا جا سکے۔